CURSO DE PERSOA CAZADORA CON FORMACIÓN
A Xunta de Galicia ven de ofertar unha nova edición do Curso de persoa cazadora con formación organizado pola Escola Galega de Saúde Pública e que se desenvolverá o día 27 de xuño de 2024 na Dirección Territorial da Consellería de Sanidade en Lugo.
Os requisitos para a inscrición serán:
Estar empadroado en Galicia
Ter a licenza de caza en vigor no momento da inscrición no curso.
Para a inscrición haberá que cubrir o formulario e achegar a documentación requirida no seguinte enlace:
Enlace Web
O prazo de inscrición será do 27 de maio ata o 21 de xuño e a selección dos asistentes será por rigoroso orden de inscrición.
Número de prazas da primeira edición: 50
Contacto: escola.saude.publica@sergas.es
OBXECTIVO
Obter a credencial como persoa cazadora con formación (en materia de sanidade e hixiene), mediante a acreditación dos coñecementos detallados na sección IV, capítulo I, número 4 do anexo III do Regulamento (CE) nº 853/2004 do Parlamento Europeo e do Consello, do 29 de abril de 2004, en materia de control in situ, sanitario e de hixiene, das pezas de caza silvestre abatidas coa finalidade de seren destinadas ao consumo humano, así como do control de subprodutos animais non destinados ao consumo humano e de sanidade animal, na práctica cinexética de caza maior, establecidos no no anexo IV do Real Decreto 50/2018, de 2 de febreiro, polo que se desenvolven as normas de control de subprodutos animais non destinados ao consumo humano e de sanidade animal, na práctica cinexética de caza maior.
XUSTIFICACIÓN DA NECESIDADE DO CURSO
O Decreto 28/2021, do 21 de xaneiro, polo que se adoptan medidas sobre a subministración directa da caza maior silvestre abatida na Comunidade Autónoma de Galicia, establece que a práctica da cesión por parte das persoas cazadoras a consumidores locais de pequenas cantidades de carne de caza constitúe unha actividade que se configura administrativamente como unha excepción ao réxime xeral de comercialización da caza, tal e como se regula no número 3.c) do artigo 1 do Regulamento (CE) nº 853/2004 do Parlamento Europeo e do Consello, do 29 de abril de 2004, polo que se establecen normas específicas de hixiene dos alimentos de orixe animal.
Esta excepcionalidade tamén aparece recollida no Real decreto 1086/2020, do 9 de decembro, polo que se regulan e flexibilizan determinadas condicións de aplicación das disposicións comunitarias en materia de hixiene, produción e comercialización dos produtos alimenticios e se regulan actividades excluídas no seu ámbito de aplicación.
Para minimizar o risco potencial de transmisión de enfermidades por consumo de carne de caza, é necesario, para autorizar esta actividade, establecer requisitos para controlar as condicións sanitarias que deben cumprir as pezas de carne antes da súa subministración directa á persoa consumidora final ou da súa entrega a unha sala de tratamento de caza, como paso previo á súa introdución na cadea alimentaria.
O Real Decreto 50/2018, do 2 de febreiro, polo que se desenvolven as normas de control de subprodutos animais non destinados ao consumo humano e de sanidade animal, na práctica cinexética de caza maior, de aplicación a todas as modalidades cinexéticas de caza maior colectiva, en diante cacerías, que se celebren en todo o territorio nacional, entendéndose como tales aquelas en as que o número de postos é superior a 40 ou o número de pezas abatidas é superior a 20 por xornada de caza, establece tamén a figura do cazador con formación específica en sanidade animal.
Así, os brotes de enfermidades tamén poderían ter un impacto negativo no medio ambiente e a sanidade animal en animais domésticos e fauna silvestre, non só polos problemas de eliminación de subprodutos que suscitan, senón tamén polas súas consecuencias para a biodiversidade.
Por outra banda, o regulamento (CE) n.º 1069/2009, nos seus considerandos 5, 6 e 7, recoñece que a normativa comunitaria debe establecer normas sanitarias, dentro dun marco coherente e global, para a recollida, o transporte, a manipulación, o tratamento, o procesamento ou a eliminación dos subprodutos animais.
Esas normas xerais, ademais, deben ser proporcionais ao risco que entrañen para a saúde pública e saúde animal, e deben tomar en consideración os riscos que estas operacións supoñen para o medio ambiente. Unha correcta xestión dos subprodutos xerados pola caza, ao obxecto de evitar que sirvan de alimento a carnívoros oportunistas e xabarís, sen dúbida contribuiría a mellorar a situación sanitaria actual.
CONTIDOS
Ver programa anexo
LEXISLACIÓN APLICABLE:
Regulamento (CE) nº 853/2004 do Parlamento Europeo e do Consello, do 29 de abril de 2004, polo que se establecen normas específicas de hixiene dos alimentos de orixe animal.
Regulamento (CE) nº 1069/2009 do Parlamento Europeo e do Consello, do 21 de outubro de 2009 polo que se establecen as normas sanitarias aplicables aos subprodutos animais e os produtos derivados non destinados ao consumo humano e polo que se deroga o Regulamento (CE) nº 1774/2002 (Regulamento sobre subprodutos animais).
Regulamento de execución (UE) nº 2015/1375 da Comisión, do 10 de agosto de 2015, polo que se establecen normas específicas para os controis oficiais da presenza de triquinas na carne.
Real Decreto 50/2018, do 2 de febreiro, polo que se desenvolven as normas de control de subprodutos animais non destinados ao consumo humano e de sanidade animal, na práctica cinexética de caza maior
Real decreto 1086/2020, do 9 de decembro, polo que se regulan e flexibilizan determinadas condicións de aplicación das disposicións comunitarias en materia de hixiene, produción e comercialización dos produtos alimenticios e se regulan actividades excluídas no seu ámbito de aplicación.
Decreto 28/2021, do 21 de xaneiro, polo que se adoptan medidas sobre a subministración directa da caza maior silvestre abatida na Comunidade Autónoma de Galicia