A febre hemorráxica Crimea-Congo (FHCC) é unha enfermidade vírica transmitida principalmente pola picadura dunha carracha do xénero Hyalomma infectada. Coa chegada da primavera comeza a época de actividade das carrachas, que comeza a mediados de abril e adoita rematar a finais de outono. Cómpre polo tanto lembrar algunhas das medidas de prevención e vixilancia da FHCC no ámbito comunitario e Atención Primaria, así como as actuacións a realizar ante unha sospeita.
CRIBADO DE CCR: É NECESARIO QUE SEXA CON COLONOSCOPIA? O ESTUDO COLONPREV
O cancro colorrectal (CCR) é unha das principais causas de mortalidade por cancro en todo o mundo. As dúas estratexias máis utilizadas son ou ben a colonoscopia, ou ben o test inmunoquímico de sangue oculto en feces (SOHi) que se utiliza no cribado poboacional en Galicia. O estudo COLONPREV, publicado recentemente en The Lancet e financiado parcialmente pola Dirección Xeral de Saude Pública en Galicia, no que participou o noso Servizo de Detección Precoz de Enfermidades, compara ambas estratexias dentro dun ensaio clínico aleatorizado cunha perspectiva poboacional e coa mortalidade por CCR como resultado principal.